Зорилтот 7000 гэр бүлд дэмжлэг үзүүлэх хөтөлбөр хэрэгжинэ

2020 оны 08 сарын 13

КОЙКА Олон улсын хамтын ажиллагааны байгууллагын санхүүжилтээр “Гэр хороолол дахь нэн ядуу эмзэг бүлгийн иргэд Ковид-19 цар тахлын нөхцөл байдлыг даван туулахад дэмжлэг үзүүлэх” төслийг хэрэгжүүлэхээр болжээ.

Уг төслийн хүрээнд:

  • Төсөлд хамрагдсан 7 дүүргийн гэр бүлд “Манай гэр бүл” хөгжлийн хөтөлбөр хэрэгжүүлэх
  • Хорооны нийгмийн ажилтнуудад зориулан хөгжлийн хөтөлбөр хэрэгжүүлэх арга зүйн сургалт зохион байгуулах
  • Төслийн зорилтот 7,000 бүлгийн өрх гэр бүлд хоол хүнсний бүтээгдэхүүний дэмжлэг үзүүлэх, хоол хүнсний шим тэжээллэг байдлын талаарх мэдээлэл хүргэх
  • Төслийн зорилтот бүлгийн 49 эмэгтэйчүүдийг ажлын байраар хангах
  • Нийслэлийн эрүүл мэндийн байгууллагын эмч, мэргэжилтнүүдэд 2,800 багц хувийн хамгаалах хэрэгслийн дэмжлэг үзүүлэх
  • Төслийн зорилтот 7,000 өрх гэр бүлд эрүүл ахуйн бүтээгдэхүүний дэмжлэг үзүүлэх, эрүүл ахуйн мэдээлэл бүхий сургалт хийх
  • Төслийн зорилтот 1,000 өрх гэр бүлүүдийн эрүүл ахуйг дэмжих зорилгоор хувцас угаалгын үйлчилгээ үзүүлэх
  • Төслийн зорилтот 2,100 өрх гэр бүлүүдийн гар угаах нөхцөл боломжийг сайжруулах зорилгоор угаалтуураар хангах ажлыг зохион байгуулахаар төлөвлөөд байна.

Гүүд Нэйборс болон Ногоон Ази ОУБ-уудын Монгол дахь төлөөлөгчийн газар санаачлан Засгийн газрын хэрэгжүүлэгч агентлаг Гэр бүл хүүхэд, залуучуудын хөгжлийн газар, Нийслэлийн Засаг даргын Тамгын газар, Нийслэлийн Гэр бүл, хүүхэд, залуучуудын хөгжлийн газар, дүүргийн Засаг даргын Тамгын газар, дүүргийн Гэр бүл, хүүхэд, залуучуудын хөгжлийн хэлтсүүд хамтран тус төслийг хэрэгжүүлэх юм.

Эх сурвалж: Өдрийн сонин

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.