​Ерөнхий сайд У. Хүрэлсүх БНСУ-н элчин сайдтай харилцан визгүй зорчих талаар санал солилцлоо

2020 оны 08 сарын 13

Ерөнхий сайд У.Хүрэлсүх БНСУ-аас Монгол Улсад суугаа Элчин сайд Ли Ё Хун-ыг хүлээн авч уулзлаа. Уулзалтаар агаарын бохирдлыг бууруулах төсөл, хөтөлбөрийн хэрэгжилтийг эрчимжүүлэх, иргэд харилцан визгүй зорчих талаар санал солилцсон байна.

Уулзалтын үеэр Ерөнхий сайд тус улсад ажиллаж, амьдарч байгаа монгол иргэдэд боломжит дэмжлэг, туслалцаа үзүүлэхийг хүссэн бөгөөд Ковид-19 цар тахалтай тэмцэх, иргэдээ татан авах чиглэлээр Солонгосын талтай үргэлжлүүлэн хамтран ажиллахаа илэрхийлсэн байна.

Хоёр орны хооронд дипломат харилцаа тогтоосны 30 жилийн ой энэ онд тохиож байгааг тэмдэглэж, “Монгол, Солонгосын найрамдлын жил” хүрээнд харилцаа, хамтын ажиллагааг худалдаа, эдийн засгийн агуулгаар баяжуулах, иргэд хоорондын найрсаг харилцааг бэхжүүлэх зорилготой байгаагаа илэрхийлэв.

Элчин сайд Ли Ё Хун дэлхий нийтэд тархсан цар тахлын энэ үед Монгол Улс халдварыг дотооддоо алдалгүй, урьдчилан сэргийлэх арга хэмжээг шуурхай авч байгааг өндөр үнэлснээ хэлсэн тухай Засгийн газрын Хэвлэл мэдээлэлтэй харилцах хэлтсээс мэдээллээ.

Сэтгэгдэл (1)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 08 сарын 15
95.118.84.121
IRGEN

ODOO COLONGOC ULC URUU JABAX MONGOL XYN BARAG BAIXGYI TIIM BOLXOOR COLONGOCUUDIIG MONGOLD BIZGYI ORUULAXAA BOL GADAADAD BOL BOLON AJILLAX MONGOLD BOL BOLON AJILLAX JALGAA BAIXGYI XARIN MONGOLD AJLIIN BAIR MASH XOBOR