Алтанбулагийн хилийн боомтоор иргэдийг татан авах ажиллагаа өнөөдөр дуусна

2020 оны 08 сарын 10

Сэлэнгэ аймгийн Алтанбулаг авто замын шалган нэвтрүүлэх боомтоор иргэдийг татан авах ажиллагаа өнөөдөр 18.00 цагт дуусна. Энэхүү иргэдийг татах авах ажиллагааг энэ сарын 7-ноос 10-нд зохион байгуулж байгаа юм. Уг боомтоор Монгол Улсын 150 иргэн, Монгол Улсад байнга оршин суух, ажиллах эрхтэй ОХУ-ын 180, нийт 330 гаруй иргэнийг хил нэвтрүүлнэ гэж тооцжээ.

Алтанбулаг авто замын шалган нэвтрүүлэх боомтоор иргэдийг татан авах ажиллагааны эхний өдөр буюу наймдугаар сарын 7-нд 15 иргэн, 8-нд 27 иргэн хилээр нэвтэрчээ. Харин наймдугаар сарын 9-нд нийт 61 иргэн улсын хилээр нэвтэрсэн байна. Эдгээр иргэний 29 нь Монгол Улсын, 32 нь ОХУ-ын иргэн байсан аж. Хилээр шалган нэвтрүүлсэн дээрх иргэдийн 54-ийг Дархан-Уул аймагт, долоог нь Орхон аймагт тусгаарлаж, ажиглалтад аваад байна. 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.